17-nji martda Türkmenistanyň Söwda-senagat edarasynda Senagatçylar we Telekeçiler Birleşiginiň 17 ýyllygyna bagyşlanan sergi açyldy. Bu çäre 100-den gowrak daşary ýurt wekiliýetiniň ünsüni özüne çekdi.

Döwlet edaralarynyň ýardam bermegi bilen gurnalan bu sergi Birleşiginiň 200-den gowrak agzasyny bir ýere jemledi. Onda ykdysadyýetiň dürli ugurlarynda işleýän hususy pudagyň wekilleri 17 ýylyň dowamynda gazanan üstünliklerini beýan etmek bilen, häzirki döwürde öndürýän dürli görnüşli önümlerini görkezdiler.

19-njy marta çenli dowam etjek serginiň maksatnamasynyň çäklerinde oňa gatnaşyjylar täze önümlerini hödürlärler we hususy pudagy ösdürmekde tejribe alyşarlar. Şunda 18-nji martda başlajak «Türkmenistanyň geljegine maýa goýumlary» halkara forumyna aýratyn üns berler.

Serginiň soňky güni netijeleriň jemlenmegi we gatnaşyjylara dabaraly ýagdaýda diplomlaryň gowşurylmagy bilen tamamlanar.