Türkmenistanda her ýyl guralýan «Talyp gözeli – 2025» atly gözellik we zehin bäsleşigi geçirildi. Bu ýyl ýurtda ýokary okuw mekdeplerinde bilim alýan gözel, zehinli we başarnykly gyzlar ýeňiji bolmak ugrunda bäsleşdiler. Olar diňe bir gözelligi bilen däl, eýsem, ukyp-başarnyklary, halk medeniýetine bolan söýgüsi bilen hem özlerini görkezdiler.

Bäsleşigiň ýeňijisi – Magtymguly adyndaky Türkmen döwlet uniwersitetiniň birinji ýyl talyby Aýlar Çaryýewa boldy. Ol emin agzalaryny gözelligi, şahyrana çykyşy we artisligi bilen haýran galdyryp, bäsleşigiň ähli tapgyrlarynda öz üstünligini görkezdi.

«Talyp gözeli» bäsleşigi her ýyl ýokary okuw mekdepleriniň talyp gyzlarynyň arasynda geçirilip, uly meşhurlyga eýe bolýar. Bu bäsleşik ýaşlaryň gözelligini we başarnygyny açyp görkezmek bilen birlikde, milli medeniýetiň wagyz edilmegine-de uly goşant goşýar.