Türkmenistanyň Futbol federasiýasy tarapyndan guralýan “Zehinler ligasynyň” Aşgabat sebiti boýunça duşuşyklara badalga berildi. Bu barada Federasiýanyň metbugat gullugy habar berýär.

2007-2008-nji ýyllarda doglan mekdep okuwçylarynyň gatnaşmagynda geçirilýän bäsleşigiň Aşgabat sebiti boýunça geçirilýän bäsleşigiň 1-nji tapgyrynyň çäginde bir duşuşyk geçirilip, onda “Ahal” topary Türkmenistanyň ýetginjekler ýygyndysyny (U17) 2:0 hasabynda ýeňlişe sezewar etdi.

Bu tapgyryň çägindäki duşuşyklaryň üçüsiniň (“Bagyr” – “Garagum”, “Köpetdag” – “Altyn Täç”, “Olimp” – “Babarap”)  geçirilmeli seneleri soňa süýşürildi.

Birinjiligiň 2-nji tapgyrynyň duşuşyklary 9-njy martda geçiriler. 

Birinjiligiň duşuşyklarynyň “Köpetdag” stadionynyň futbol meýdanynda geçirilýändigini ýatladýarys.