Ertir, 25-nji fewralda, howa maglumatlaryna görä, Türkmenistanyn käbir sebitlerinde gar ýagmagyna garaşylýar. Hususan-da, Aşgabatda, Türkmenabatda we Maryda gar ýagar, emma Daşoguzda we Balkanabatda bulutly howa saklanar.

Aşgabatda gar ir bilen ýagyp başlap, günüň ýarymyna çenli dowam eder. Howa temperaturasy gijelerine -2 gradusa çenli peseler, gündiz bolsa 1 gradusa çenli ýokarlanar. Çarşenbe güni howanyň açylmagyna garaşylýar.

Türkmenabatda irden ilki ýagyş ýagyp, soň gar ýagar. Sagat 11:00 töweregi gar ýagmagy bes eder. Howa temperaturasy 0-3 gradus aralygynda bolar.

Maryda duşenbäniň gije ýaryndan sişenbe irdene çenli garyň ergin görnüşi ýagmagyna garaşylýar. Gündiz bolsa bulutly bolar. Howa temperaturasy gijelerine 0 gradus, gündiz bolsa 3 gradus bolar.

Daşoguzda we Balkanabatda ýagyş ýa-da gar garaşylmaýar, ýöne bulutly howa dowam eder. Ýeri gelende aýtsak, Daşoguz welaýatynda gar düýn, 23-nji fewralda ýagdy. Ertir Demirgazyk Türkmenistanda howa temperaturasy -3 gradusdan -1 gradusa çenli üýtgäp durar. Balkanabatda sişenbe güni temperaturanyň -2 gradusdan 5 gradusa çenli ýokarlanmagyna garaşylýar.

Ýagyş ýa-da gar garaşylýan sebitleriň ýaşaýjylaryna howa şertlerini göz öňünde tutup, ýola çykmagy meýilleşdirmegi we ýollarda seresaply bolmagy maslahat berilýär.