Şu ýylyň iki aýynyň dowamynda Türkmenistanyň Milli Gyzyl Ýarymaý Jemgyýetiniň meýletinçileri Aşgabat şäherindäki başlangyç synp okuwçylarynyň arasynda ilkinji kömek bermegiň düzgünleri boýunça okuw sapaklaryny geçirdiler.

Sapaklaryň maksady başlangyç synp okuwçylarynyň ilkinji kömek bermegiň usullaryny bilmegini we olary dürli ýagdaýlarda ulanyp biljekdigini üpjün etmekden ybarat.

Umuman 1500-den gowrak mekdep okuwçysy (1-nji synpdan 5-nji synp aralygy) dürli şikesleriň ýagdaýynda ilkinji kömek bermegi we tiz kömek çagyrmagy öwrendiler.

Bu okuw sapaklara Aşgabatdan we Ahal welaýatyndan 32 meýletinçi gatnaşdy, olar ozal ilkinji lukmançylyk kömek bermegi ugrunda degişli bilim alyp, mugallym hökmünde taýýarlanyldy.