Türkmen tennisçileri Aziýa-Okeaniýa zolagynda 14 ýaşa çenli gyzlaryň arasynda dünýä çempionatyna saýlaw tapgyrynyň başlangyç tapgyryny Bangladeş toparyndan 3:0 hasabynda üstün çykdylar. Bäsleşik Bahreýnde geçirilýär diýip, “Türkmenistan: Altyn asyr” habar berýär.

Aziýa tennis federasiýasy (ATF) bilen bilelikde Halkara tennis federasiýasynyň (ITF) howandarlygynda geçirilýän ITF ýetginjekleriň arasynda Bütindünýä tennis ýaryşynda 6 toparça bölünen 18 ýygyndy toparlar bar.

Türkmenistan milli ýygyndy topary Bangladeşiň we Okeaniýanyň toparlary bilen bilelikde “C” toparçada çykyş edýär. Türkmen tennisçileri indiki oýunda ikinji topara garşy çykar. Toparda ýeňiş gazananlar 2025-nji ýylyň 2-14-nji apreli aralygynda Malaýziýada geçiriljek jemleýji saýlaw tapgyryna geçerler.

Aziýa we Okeaniýa zolagynda güýçli çykan iki topar ähli yklymlaryň 16 güýçli topary bilen jemleýji ýaryşda bäsleşer.