Türkmenistanda halkara derejeli sport ýaryşlaryny geçirmek üçin ajaýyp mümkinçilikler döredildi. Bu barada Halkara Agyr atletika federasiýasynyň (IWF) Prezidenti Mohammed Jalood türkmen metbugatyna beren beýanatynda aýtdy.

Ol 2017-nji ýylda Ýapyk binalarda we söweş sungaty boýunça V Aziýa oýunlaryna, 2018-nji ýylda bolsa Agyr atletika boýunça dünýä çempionatyna gatnaşmak üçin Aşgabat şäherine eden saparlaryny aýratyn mähir bilen ýatlaýandygyny nygtady we ak mermerli Aşgabadyň özboluşly gözelligine ýokary baha berdi.